Kiri Ta’ Karozza
Kiri Ta’ Taxi
Kiri ta’ Quadbikes
Awstrija
Vjenna
Franza
Pariġi
Ġermanja
Cologne
Greċja
Korfu
Italja
Ruma
Milan
Maċedonja
Skopje
Polonja
Zakopane
Renju Unit
Londra
Spanja
Barċellona
Ungerija
M’hemmx dubju li Skopje hi Belt li ftit jikkunsidraw li jżuru minħabba l-fatt li mhux daqsekk popolari magħna l-Maltin. Il-bini, l-iskulturi u l-pontijiet fiċ-ċentru tal-belt kollha jistgħu jiġu esplorati. Ħafna mill-attrazzjonijiet huma f’distanza bil-mixi minn xulxin. Eżempju, tista’ żżur il-Pjazza tal-Maċedonja u wara taqsam il-pont tal-ġebel ta’ nofs is-seklu 15 għall-Belt il-Qadima u l-Bażaar il-Qadim. Jekk qiegħed tikkunsidra li żżur Skopje u l-Maċedonja ta’ fuq, din il-paġna tgħodd għalik.
Werrej
Kif ser immur Skopje?
Skopje għandha ajruport internazzjonali b’aktar minn 2.4 miljun passiġġier li jgħaddu mill-belt kull sena. L-ajruport jismu ‘Skopje International Airport’ u hu magħruf ukoll bħala ‘Skopje Airport Macedonian’. Minn Malta tista’ tivjaġġa b’mod dirett lejn dan l-ajruport permezz tal-linja tal-ajru Wizzair.
Xtrajt il-biljett tal-Ajru! U issa fejn ser norqod?
Akkomodazzjoni fi Skopje hi abbundanti – tant abbundanti jista’ jkun diffiċli ħafna li tiddeċiedi liem hi l-aħjar għaik. Il-Mistoqsija li għandek issaqsi hi “X’għandi nikkunsidra qabel nibbukkja?”
L-aktar punti importanti li għandek tikkunsidra huma:
- L-Akwata.
- Kemm hemm bod mill-atrazzjonijiet li tixtieq iżżur.
- Jekk il-kamra ikolliex ‘Air Condition’ jew ‘Heaters’.
- Il-Kumdita’.
Minn esperjenza ta’ ħafna li marru Skopje, bħala Vjaġġa nirrakomandaw Hotel Vlaho, Hotel Senigallia, Ibis Hotel City Centre u Osten Art Hotel.
Mill-Ajruport għal lukanda
1. Il-prezz.
2. L-ammont ta’ ħin li ser tieħu biex tasal mill-ajruport għal-akkomodazzjoni.
3. Il-Kumdita’.
Kiri ta' Taxi
L-Aktar metodu faċli li ma’ jaħliex ħin u li ma’ jkollokx problemi biex iġġor il-bagalji hi ovjament li tibbukja Taxi. Jekk inti tibbukja Taxi minn qabel tkun qiegħed taċċerta ruħek li d-driver ser ikun qiegħed jistenniek fit-terminu tal-‘Arrivals’ u jwaslek quddiem il-bieb tal-lukanda. Żgur u mhux forsi dan hu l-aktar metodu ta’ serħan il-moħħ u ta’ kumdita’.
Bħala vjaġġa nirrakomandaw l-użu ta’ Welcome Pickups. Welcome Pickups hi aġenzija li toffri servizz ta’ Taxi madwar l-Ewropa kollha. Kumpanija serja u li int tista’ isserraħ rasek biex tibda u tispiċċa l-btala tiegħek fuq nota tajba.
Agħfas hawn biex tiskopri kemm tiġi tiswa’ Taxi mill-ajruport għal akkomodazzjoni
Trasport Pubbliku
Hemm xarabank operata minn WTransporter li tmur mill-ajruport ta’ Skopje għaċ-ċentru tal-belt kulljum. Ix-Xarabnk tieħu madwar 35 minuta biex tkopri d-distanza ta’ 22 km u tiswa biss €3 (MKD 180) għal kull passiġġier. Din żgur hi għażla tajba għal dawk li jivvjaġġaw waħedhom jew li jixtiequ jżommu l-ispejjeż baxxi kemm jista’ jkun. Tista tirkeb ix-xarabank minn fuq il-waqfa tax-xarabank li tinsab barra l-bieb tat-terminal prinċipali fl-ajruport ta’ Skopje.
Żur il-website https://www.wtransporter.com/ biex tkun tista’ tara l-ħinijiet li topera din ix-xarabank u tkun tista’ tixtri l-biljetti.
Attrazzjonijiet f'Skopje
Pjazza tal-Maċedonja
Pjazza tal-Maċedonja hi l-pjazza ewlenija ta’ Skopje. Id-dawra tal-pjazza hi l-akbar fil-Maċedonja ta’ Fuq b’firxa totali ta’ 18,500 m2. Hi tinsab fil-parti ċentrali tal-belt u taqsam ix-xmara Vardar. Il-Villaġġi tal-Milied dejjem isiru hawn kif ukoll iservi bħala s-sit ta ‘avvenimenti kulturali, politiċi u oħrajn. L-indipendenza mill-Jugoslavja ġiet iddikjarata f’din il-pjazza stess mill-ewwel president tal-Maċedonja, Kiro Gligorov.
📌Google Maps: https://maps.app.goo.gl/JTTuEC5NYfkVqUrP7
Kul u ixtri fil-Bażaar l-antik
📌Google Maps: https://maps.app.goo.gl/CX9q4Er7QmoxGmty8
AGĦŻEL L-AMMONT TA' BILJETTI, IL-ĠURNATA U L-LINGWA. AGĦFAS 'CHECK AVAILABILITY' BIEX TARA JEKK BAQAX BILJETTI.
Tgħallem dwar Madre Tereża
📌Google Maps: https://maps.app.goo.gl/qvvTDrRP9VR9Hx9UA
Mużew tal-Maċedonja
📌Google Maps: https://maps.app.goo.gl/Rg5Dyxq757ogotGe9
Il-Fortizza ta' Kale
📌Google Maps: https://maps.app.goo.gl/kEtZLxyNa1UyPGM36
Is-Salib tal-Millenju
📌Google Maps (Salib tal-Millenju): https://maps.app.goo.gl/QXUz5XKH3A8ZhJyr9
📌Google Maps (Funikular): https://maps.app.goo.gl/4MzePH9Ft7pfUMbu7
Żur postijiet oħra viċin Skopje
Mawra ta’ Ġurnata Sħiħa fil-Kosovo lejn Pristina u Priżren
Dan it-tour li hu twil 10 sijat, jibda billi jiġi t-trasport mil-lukanda tiegħek fi Skopje u tivjaġġa lejn Pristina fejn il-gwida lokali tiegħek tkun qed tistenniek. L-ewwel ser iżżur il-Monasteru Gracanica u mbagħad tasal Pristina fejn tibda t-tour ta’ Pristina. L-ewwel waqfa tiegħek tkun il-Librerija Nazzjonali tal-Kosovo, bini b’disinn arkitettoniku modern. Il-Waqfiet li jmiss huma l-park arkeoloġiku bi fdalijiet mill-perjodu Neolitiku, il-Mużew Kosova mibni mill-Awstrijaċi għall-armata Torka fl-1898 li għandu kollezzjoni estensiva ta’ fdalijiet arkeoloġiċi u etnoloġiċi inkluż l-Alla Neolitika fuq tron magħmula mit-terrakotta, il-Moskea ta’ Çarshi li hi l-eqdem bini fi Pristina mibni fis-seklu 15 mis-Sultan Tork Bajazit, il-Bini tal-Akkademja li huma djar privati minn żmien l-Ottomani tas-seklu 19, il-Moskea Fatih u il-Moskea Imperjali li hi mibnija fl-1461 taħt is-Sultan Tork Mehmed II Fatih u l-Kbir Hammam, kumpless tal-banju mibni fl-1470 bi 15-il koppla b’toqob żgħar biex tħalli d-dawl jidħol, Il-Kumpless Emin Gjiku li hu bini ferm ippreservat tajjeb tas-seklu 18 u huwa l-uniku bini oriġinali li baqa’ fiż-żona tal-bazaar l-antik u finalment it-Torri ta’ Gazimestan.
AGĦŻEL L-AMMONT TA' BILJETTI, IL-ĠURNATA U L-LINGWA. AGĦFAS 'CHECK AVAILABILITY' BIEX TARA JEKK BAQAX BILJETTI.
Mawra speċjali ta' ġurnata għar-raħal ta' Ohrid
AGĦŻEL L-AMMONT TA' BILJETTI, IL-ĠURNATA U L-LINGWA. AGĦFAS 'CHECK AVAILABILITY' BIEX TARA JEKK BAQAX BILJETTI.
Mawra lejn il-Park Nazzjonali Mavrovo
Il-Park Nazzjonali ta’ Mavrovo huwa l-akbar mill-erba’ parks nazzjonali tal-Maċedonja ta’ Fuq. L-eżenzjoni tal-park fih tliet sistemi tal-muntanji Alpi: il-muntanji Šar, Korab u Bistra. Dawn il-muntanji huma distinti minn ktajjen ta’ muntanji. Bejn it-tliet muntanji testendi l-Gorge Radika għal aktar minn 25 km. Ir-reġjun ta’ Mavrovo ifakkrek fl-Alpi tal-Isvizzera.
Il-vjaġġ tiegħek se jibda billi jiġi għalik t-trasport fi Skopje u f’madwar 80 minuta taslu f’Mavrovo . Wara l-wasla ser iżżuru l-Knisja ta’ San Nikola, mibnija fl-1850 b’ikoni miżbugħin mil-leġġenda tal-Maċedonja Dicho Zograf. Fir-raħal se żżuru familja żagħżugħa li ddeċidiet li tiċċaqlaq minn Skopje u trabbi lit-tfal tagħhom f’Mavrovo fil-fond tan-natura, ‘il bogħod mill-ġenn ta’ bliet il-kbar. Hawnhekk ser ikolkom ċans li tnaqru xi ħaġa żgħira qabel ma’ timxu lejn ir-raħal Galičnik. Fit-triq lejn id-destinazzjoni li jmiss tagħkom ser tammiraw il-kampanja sabiħa tal-madwar u ma jonqosx l-ammont kbir ta’ nagħaġ.
Galičnik għandha arkitettura tradizzjonali ppreservata, inkluż teatru fil-pjazza tar-raħal, l-arti reġjonali, lilbiesi u l-mużika li huma rikki fid-dettall u oriġinali. Galičnik huwa famuż għall-kampanja tal-madwar u r-riżerva naturali tiegħu iżda fuq kollox għall-użanza tradizzjonali tat-tieġ li ssir kull sena fis-sajf (f’Lulju) fil-jum tal-festa tar-raħal tal-patrun San Pietru. F’Galičnik ser tagħmlu żjara ta’ xi wħud mid-djar fejn tagħtu ħarsa lejn il-mod tipiku tal-kostruzzjoni u iżżuru il-knisja ċentrali tar-raħal iddedikata lil San Pietru u San Pawl. F’Galičnik ser tgawdu minn ikla tradizzjonali sabiħa fir-ristorant ta’ familja Lokali li huma l-uniċi abitanti fir-raħal fiż-żmien tax-xitwa.
San Ġwann Bigorski hi l-aħħar destinazzjoni ta’ dan il-vjaġġ. Monasteru moħbi fil-muntanji, b’1000 sena ta’ storja, b’inqix fl-injam eċċezzjonali u ordni monastika. Ħafna nies jiġu hawn fit-tfittxija għall-paċi u l-libertà tagħhom. Tart wara nofsinhar titilqu lejn Skopje, fejn it-trasport ser iwaqqafkom lura fejn il-lukanda.
AGĦŻEL L-AMMONT TA' BILJETTI, IL-ĠURNATA U L-LINGWA. AGĦFAS 'CHECK AVAILABILITY' BIEX TARA JEKK BAQAX BILJETTI.
Mawra lejn Matka Canyon u Tetovo
F’dan it-tour ser iżżur tliet postijiet differenti f’ħin ta’ 7 sijat. It-tour jibda billi t-trasport jiġi għalik mil-lukanda u tibdew it-triq tagħkom lejn Matka Canyon – wieħed mill-isbaħ canyons fl-Ewropa. F’Matka Canyon ser tirkbu dgħajsa (mhux inkluż fil-prezz pero tiswa’ €8.50 biss) biex iżżuru l-grotta ta’ Vrello liema parti minna tinstab taħt l-ilma. Waqt il-vjaġġ bid-dgħajsa ser tkunu tistgħu tammiraw l-isbuħija naturali li joffri Matka Canyon. Dan il-Canyon hu d-dar ta’ ħafna speċi fostom tipi ta’ għasafar u friefet rari.
It-Tour ser ikompli billi żżuru l-belt ta’ Tetovo fejn ser ikolkom ċans taraw (minn ġewwa u barra) il-Moskea kkulurita, li hi l-punt ta’ referenza tal-belt Tetovo. Il-Moseka hi meqjusa bħala unika u l-isbaħ fil-balkani, din il-Moskea mhux ta’ min jitlifa.
Wara li żżuru l-moskea tmorru lejn l-aħħar post li hu l-Arabati Baba Teke. Hawnhekk ser titgħallem aktar dwar l-ordni Bektasi, ordni mistika Iżlamika li toriġina fis-seklu 13. Kif tispiċċaw minn din iż-żjara issibu t-trasport li joħodkom lura l-lukanda ġewwa skopje.
Bhala flus hemm bzonn li insarfu min Malta ? Jew nistaw nuzaw l euro xorta wahda ?
Jaqbillek issarraf minn Malta għaliex jekk issarraf flus mill-ajruport ġewwa Skopje, ser ikollok rata tal-kambju mhux favorevoli.
Prosit
Grazzi Simon!