Uncategorized

L-Aqwa destinazzjonijiet Ewropej għas-Sajf 2024

Posted on by Vjagga Team

Din il-klassifika hi bbażata fuq l-għażla tal-fuq minn miljun vjaġġatur minn 172 pajjiż fejn ġew ikkonsultati biex jivvutaw għall-Aħjar Destinazzjonijiet tagħhom fl-Ewropa għas-sajf 2024, l-aqwa vaganzi tan-natura fl-Ewropa, l-isbaħ vaganzi xemxija fl-Ewropa, l-aqwa vaganzi kulturali u gastronomiċi kemm jekk jivvjaġġaw bħala koppja, mal-familja jew waħedhom biex jiskopru l-ġmiel li toffri l-Ewropa.

Ta’ min jirrimarka li Malta ġiet ikklassifikata fit-tielet post u bhekk żidna destinazzjoni oħra minflok pajjiżna.

1. Marbella, Spanja

Marbella hi  l-isbaħ, l-aktar xemxija u esklussiva tad-destinazzjonijiet Ewropej iżda wkoll parti mill-aqwa Destinazzjonijiet tal-Golf fl-Ewropa. Marbella hi d-destinazzjoni preferuta ta’ 5 stilel għall-vjaġġaturi fl-2024. Agħmel dawra gastronomika f’din il-belt u jekk tħobb l-ikel, din il-belt  tista’ tilqa’ għal kull xenqa – u tagħti veduti mill-isbaħ.
 
Bi tliet ristoranti bi stilla Michelin li jservu kċina eċċellenti, flimkien ma’ mijiet ta’ ristoranti iżgħar li jqassmu minn kollox mill-Mediterran, Asjatiku, Paella u tapas lokali sukkulenti, l-ikel  hu parti kbira mill-attrazzjoni ta’ Marbella. Barra minn hekk, b’aktar minn 300 jum garantit ta’ xemx fis-sena, l-ikel frisk mal-bajja jew taħt l-istilel huwa prattikament garantit. Marbella għandha dak kollu li teħtieġ biex togħġob lil kull vjaġġatur l-aktar impenjattiv. Ladarba tieħu togħma tal-mod tal-ħajja ġentili f’Marbella, diġà taf li se terġa’ tiġi lura għal btala oħra. 

2. Ġinevra, Svizzera

Tinsab fil-qalba tal-Ewropa, Ġinevra toffri firxa ta’ esperjenzi indimentikabbli fl-ambjent uniku tagħha. Mdawra b’natura mill-isbaħ, il-belt tgħannaq il-ponta tal-akbar lag alpin fl-Ewropa tal-Punent, bl-Alpi majestużi u l-muntanji tal-Ġura fl-isfond. Dwieli u kampanja jkopru l-belt, b’irħula pittoreski, fejn in-natura tinsab  kullimkien.
 
Bħala t-tieni l-akbar belt fl-Isvizzera, f’Ġinevra ssib taħlita attraenti ta’ seħer storiku u xena kulturali vibranti. Les Nations tospita l-Kwartieri Ġenerali Ewropej tan-Nazzjonijiet Uniti filwaqt li Les Eaux-Vives tistieden lill-viżitaturi biex jaraw l-ikoniku Jet d’eau u jgawdu atmosfera vivaċi fuq il-bajja.
 
Lil hinn mis-sinifikat diplomatiku tagħha, Ġinevra hi mimlija b’wirt għani, ċċelebrat permezz tal-arloġġi tal-idejn magħrufa mad-dinja kollha u tradizzjoni  taċ-ċikkulata. Żidiet riċenti għall-attrazzjonijiet tagħha jinkludu l-Getaway tax-Xjenza favur il-familja, il-bajja pubblika Eaux-Vives u l-Choco Pass li hi mawra taċ-ċikkulata awto-iggwidata. Ġinevra hi tassew belt vibranti li tgħaqqad bla xkiel it-tradizzjoni u l-modern u tiżgura li kull żjara tkun esperjenza notevoli u dinamika.

3. Riga, Latvia

Dan is-sajf żur l-aktar Belt kożmopolitana tal-kapitali Baltiċi, Riga, il-kapitali tal-Latvja. Din l-belt hi moderna b’qalba storika li toffri varjetà spettakolari ta’ seħer naturali, kulinari u kulturali. L-esplorazzjoni tal-aħjar postijiet f’Riga tagħtik tweġiba definittiva għall-mistoqsija dwar għaliex Riga hi Belt ta’ min iżur. Il-belt il-qadima ta’ Riga għandha status ta’ Wirt Dinji tal-UNESCO. Iċ-ċentru storiku għandu ħafna mogħdijiet imdawra u toroq moħbija sew biex niskopru mill-ġdid il-Belt il-Qadima ta’ Riga ma’ kull żjara.

Il-lussu tal-faċċati tal-bini sinjuri jista’ jiġi ammirat għal żmien twil fid-distrett Art Nouveau minħabba li madwar terz tad-djar fiċ-ċentru tal-belt huma perli ġenwini ta’ dan l-istil. L-arkitettura, it-teatri, il-galleriji tal-arti u l-avvenimenti fil-beraħ huma biss parti żgħira mill-ħajja kulturali kollha li tista’ tesperjenza f’Riga. Fl-aħħar tal-2023, il-Latvja u Riga ngħaqdu mal-familja esklussiva tal-gwida Michelin. F’Riga tista’ ssib kafetteriji jew ristoranti  f’kull rokna fiċ-ċentru tal-belt. 
 
Minkejja l-età notevoli ta ‘822, Riga hi ‘l bogħod milli tħossok anzjan. L-ispirtu żagħżugħ tal-belt jitgawda l-aħjar f’wieħed mill-festivals tal-ikel tat-triq jew avvenimenti kreattivi u urbani oħra li jsiru matul is-sena. Imma jekk inti tixtieq li tesperjenza aktar avventura u tkun eqreb lejn in-natura,  sempliċiment għandek tqatta’ biss tletin minuta miċ-ċentru tal-belt għall-bajja u tapprezza d-distretti mdawra minn foresti u arja friska tal-baħar u mixi tul il-moll.

4. Madeira, Portugal

M’għandekx għalfejn tivvjaġġa triq twila biex issib id-destinazzjoni ideali tal-vaganzi. Hemm raġunijiet bla tmiem biex iżżur Madeira, waħda mill-Aħjar Destinazzjonijiet tiegħek biex iżżur fis-Sajf 2024. Minbarra x-xenarju u l-muntanji lussużi tiegħu, dan l-arċipelagu joffri klima ħafifa s-sena kollha, merħba tajba, paċi, sigurtà u sirenita.

Biex verament issir taf Madeira, trid titla’ sal-quċċata ta’ muntanja u tgawdi veduti meraviljużi, timxi’ tul l-mogħdijiet fil-Foresta Laurissilva tul aktar minn 1,400 km ta’ Levadas (kanali ta’ irrigazzjoni jew akwdotti).Esperjenza l-atmosfera kożmopolitana tat-toroq ta’ Funchal, ixtri xi rakkmu, inbid jew xogħol tal-qasab famużi ta’ Madeira.

Ħu dawra madwar il-gżira, ieqaf fit-triq biex tammira l-pajsaġġ jew biex tgawdi ħelu gastronomiku tradizzjonali. Għal viżitaturi aktar avventurużi hemm scuba-diving, surfing, windsurfing jew jet-skiing filwaqt li hu possibli li tieħ vjaġġ mill-isbaħ bil-qlugħ tul il-kosta.

 

5. Firenze, L-Italja

Bħal Ruma, Venezja jew Pariġi, Firenze hija mużew fil-miftuħ. Permezz tal-Belt ta’ Firenze tesperjenza il-David sublimi ta’ Michelangelo fil-Gallerija ta’ l-Uffizi u anke “Twelid ta’ Venere” ta’ Botticelli. Fil-Belt ta’ Firenze tista’ tammira l-faċċati tal-bażiliki u l-katidrali li jifformaw l-orizzont tagħha u tara l-palazzi lussużi li jirrakkontaw l-istorja tal-perjodi differenti tal-istorja tal-belt.

Meta żżur il-mużewijiet ta’ Firenze u tara x-xogħlijiet li jinsabu fihom, ma tkunx qed tidħol biss fl-istorja ta’ belt u t-teżori tagħha. Anzi, qed tagħraf l-immaġinazzjoni kulturali li kkontribwiet għall-ħolqien taċ-ċiviltà tal-Punent kif nafuha, billi tpoġġi l-pedamenti għall-prinċipji estetiċi, edukattivi, xjentifiċi, kulinari, politiċi u artistiċi li jdawruna llum.

 
Vjagga Team

2 thoughts on “L-Aqwa destinazzjonijiet Ewropej għas-Sajf 2024”

Leave a Reply

Your email address will not be published. Required fields are marked *