Kiri Ta’ Karozza
Kiri Ta’ Taxi
Kiri ta’ Quadbikes
Awstrija
Vjenna
Franza
Pariġi
Ġermanja
Cologne
Greċja
Korfu
Italja
Ruma
Milan
Maċedonja
Skopje
Polonja
Zakopane
Renju Unit
Londra
Spanja
Barċellona
Ungerija
Zakopane hi l-kapitali tax-xitwa ġewwa l-Polonja u tinsab imdaħħla taħt il-Muntanji Tatra fil-qalba tal-Muntanji Karpazji. F’sagħtejn biss minn Krakovja (Krakow) hi faċli li tilħaq dan il-villaġġ fejn issib għażla kbira t’attivitajiet li tista’ tagħmel fostom mixi, skiing, tgawdi n-natura, tgħum f’Thermal Baths li jkollom temperatura ta’ 27 Grad Celcius waqt li t-temperatura ta’ barra tkun -10 Grad Celcius u tiskopri kultura ġdida.
X'ser issib fuq dan l-artiklu?
Li tagħżel meta żżur Zakopane hi pjuttost importanti. Il-belt hi TOTALMENT differenti fis-sajf u fix-xitwa, fir-rebbiegħa u fil-ħarifa. Filfatt hemm żewġ staġuni popolari. L-ewwel hi x-xitwa meta Zakopane issir iċ-ċentru tal-iskijar u ‘s-snowboarding’ għall-pajjiż kollu. Ma tissejjaħx il-kapitali tax-xitwa tal-Polonja għalxejn! It-tieni hu s-sajf hekk kif l-iskola tieqaf u t-temp jisħon, iwassal għall-istaġun ewlieni tal-mixi fit-Tatras.
Minħabba li l-ħin tal-vjaġġ tiegħek lejn Zakopane hu parti daqshekk ċentrali ta’ kif ser tesperjenza din il-belt, hu tassew importanti li tieħu ħsieb it-tip ta’ temp u attivitajiet li inti tista’ tagħmel.
Ħaġa li żġur hi importanti li navżaw hi ġo Zakopane ma’ jaċċettawx il-flus EURO u għalekk hu importanti li tordnaw il-flus Pollakki (Zloti) minn qabel. Sfortunatament ma’ tantx issib ħwienet li jaċċettaw pagamenti bil-karta tal-bank.
Kif ser immur Zakopane?
Sfortunatament ma’ tistax tmur dirett Zakopane bl-ajruplan. L-aktar ajruport viċin hu dak ta’ Krakovja (satejn bod) u l-ajruport ta’ Katowice (tliet sijat bod). Bħala linji tal-ajru li joperaw titjiriet lejn dawn l-ajruporti insibu lil Wizzair u Ryanair.
Xtrajt il-biljett tal-Ajru! U issa fejn ser norqod?
L-Akkomodazzjoni fiċ-ċentru ta’ Zakopane mhux daqsekk abbundanti minħabba l-fatt li dan il-villaġ mhux kbir pero’ fl-akwati viċin ta’ Zakopane għandek issib akkomodazzjoni vasta. Apparti l-lukandi, nissuġerixxu li tesperjenzaw ‘Wood Cabins’ qalb in-natura u l-muntanji li jkunu attrezzati bl-affarijiet kollha li jkollok bżonn bħal meta tikri appartament.
L-aktar punti importanti li għandek tikkunsidra huma:
- L-Akwata
- L-Attrazzjonijiet li ser iżżur
- ‘Air Condition’ u l-‘Heating’
- Il-Kumdita’
Minn esperjenza ta’ ħafna li żaru Zakopane, bħala Vjaġġa nirrakomandaw: Hotel Murowanica, Hotel Gromada Zakopane, Hotel Aquarion Family & Friends u Hotel Skalny
Mill-Ajruport għal lukanda
Bħal ma diġa semmejna fl-introduzzjoni ta’ din id-destinazzjoni, hemm daqxejn bod bejn l-ajruporti ta’ Krakovja / Katowice u l-villaġ ta’ Zakopane. Hemm tliet modi kif tista’ tivjaġġa mill-ajruporti bi tlieta li huma ser jieħdu ħin ta’ bejn satejn u erba’ sijat.
Minn Krakova għal Zakopane:
- Taxi, Van jew Xarabank: Satejn
- Ferrovija: Tliet sijat u nofs
- Xarabank (Shuttle Bus)
Minn Katowice għal Zakopane:
- Taxi, Van jew Xarabank: Tliet Sijat
- Ferrovija: Ħames Sijat
- Xarabank (Shuttle Bus)
Mill-Ajruport ta' Krakovja
Kiri ta' Taxi
L-ivvjaġġar direttament mill-ajruport ta’ Krakovja għal Zakopane huwa possibli biss bit-taxi. Ir-rikba tat-taxi mill-ajruport ta’ Krakovja tieħu madwar sagħtejn u bħala medja il-prezz totali jiswa 100€ (400PLN).
Għal dan il-vjaġġ qegħdin nirrakomandaw l-użu ta’ Taxi’s provduti minn Get Your Guide minħabba l-fatt li dan il-vjaġġ normalment jiġi offrut minn sewwieqa lokali u hu prezz raġonevoli ħdejn dak li jiġi offrut mit-Taxi’s li ssib fl-ajruport.
AGĦŻEL L-AMMONT TA' BILJETTI, IL-ĠURNATA U L-LINGWA. AGĦFAS 'CHECK AVAILABILITY' BIEX TARA JEKK BAQAX BILJETTI
'Shuttle Bus'
Il-karozza tal-linja mill-Ajruport ta’ Kraków sa Zakopane tista’ tieħu mill-inqas sagħtejn u 45 minuta u tibda bi prezz baxx ta’ €10.98. L-ewwel karozza tal-linja tal-ajruport titlaq fl-04:45AM u l-aħħar karozza tal-linja titlaq fid-1.45pm. Il-kumpanija Flexibus torganiżża 4 karozzi tal-linja mill-ajruport kuljum bejn l-Ajruport ta’ Kraków u Zakopane. Fuq ix-xarabank ikollok Wifi kumplimentari, aċċess għal sockets tal-enerġija u siġġu komdu matul il-vjaġġ tiegħek.
Biex tibbukja din ix-xarabank, trid tibbukja dirett minn fuq il-website tagħhom billi tafas hawn.
Trasport Pubbliku
L-orħos mod biex tasal għal Zakopane mill-Ajruport ta’ Krakovja hu li tirkeb ferrovija express mill-ajruport ta’ Krakovja direttament għall-istazzjon tal-ferrovija fiċ-ċentru tal-belt li tieħu madwar 15-il minuta. Il-Ferrovija tibda direttament mill-pjattaforma li tinsab madwar 200 metru mit-terminal tal-passiġġieri. In-noll hu madwar €1.50. Ħdejn l-istazzjon tal-ferrovija fi Krakovja għandek issib stazzjon tal-karozzi tal-linja b’konnessjoni ta’ spiss ma’ Zakopane. Nirrakkomandaw li l-karozzi tal-linja jappartjenu lill-kumpanija Max Bus. In-noll huwa madwar €6.70 . Tieħu aktar minn sagħtejn biex tasal bil-karozza tal-linja sa Zakopane
Mill-Ajruport ta' Katowice
Kiri ta' Taxi
L-ivvjaġġar direttament mill-ajruport ta’ Katowice għal Zakopane huwa possibli biss bit-taxi. Ir-rikba tat-taxi mill-ajruport ta’ Katowice tieħu madwar tliet sijat u bħala medja il-prezz totali jiswa 100-150€ (400-600PLN).
Għal dan il-vjaġġ qegħdin nirrakomandaw l-użu ta’ Taxi’s provduti minn Viator minħabba l-fatt li dan il-vjaġġ normalment jiġi offrut minn sewwieqa lokali u hu prezz raġonevoli ħdejn dak li jiġi offrut mit-Taxi’s li ssib fl-ajruport.
'Shuttle Bus'
Il-karozza tal-linja mill-Ajruport ta’ Katowice sa Zakopane tista’ tieħu mill-inqas 4 sijat u 45 minuta u tibda bi prezz baxx ta’ €14.99. L-ewwel karozza tal-linja tal-ajruport titlaq fl-04:55AM u l-aħħar karozza tal-linja titlaq fit-2:50PM. Il-kumpanija Flexibus torganiżża 2 karozzi tal-linja mill-ajruport kuljum bejn l-Ajruport ta’ Katowice u Zakopane. Fuq ix-xarabank ikollok Wifi kumplimentari, aċċess għal sockets tal-enerġija u siġġu komdu matul il-vjaġġ tiegħek.
Biex tibbukja din ix-xarabank, trid tibbukja dirett minn fuq il-website tagħhom billi tafas hawn.
Trasport Pubbliku
Sfortunatament, m’hemm l-ebda servizz dirett ta’ xarabank mill-Ajruport ta’ Katowice għal Zakopane. L-ewwel ser ikollok bżonn tieħu l-karozza tal-linja AP lokali fiċ-ċentru tal-belt ta ‘Katowice, imbagħad tirkeb il-Flixbus minn hemm għal Zakopane. Minħabba din il-bidla, il-ħin totali tal-vjaġġ mhux inklużi l-ħinijiet ta ‘stennija, se jkun qrib il-5 sigħat. Madankollu, l-ispiża ta’ dan il-vjaġġ fuq il-karozza tal-linja tista’ tkun mill-inqas €11.50 (PLN 54) u dan jagħmilha ferm affordabbli.
Min naħa tagħna ma’ nirrakomandawx l-użu tat-trasport pubbliku minħabba l-ammont ta’ ħin li ser taħlu biex tivjaġġaw mill-ajruport għal Zakopane.
Attrazzjonijiet f'Zakopane
Krupowki Street
Żgur mhux forsi l-aktar triq famuża ġewwa Zakopane hi Krupowki Street. Din hi t-triq prinċipali tal-belt kollha. Krupowki Street tgħaddi għal aktar minn kilometru miċ-ċentru u tospita sensiela ta’ attrazzjonijiet meraviljużi. Hi wkoll ċentru għas-suq, kemm jekk qed tolqot il-monti tas-suq għall-ġobon tan-nagħaġ fuq il-grilja jew jekk tridx ikel gourmet ‘highlander’ f’taverna tradizzjonali. Aktar minn kull ħaġa, Krupowki hi post rilassanti u vivaċi fejn tkun, mimli xiri u attivitajiet x’tagħmel.
Nota: Din hi attrazzjoni b’xejn u bhekk m’hemmx għalfejn isir xi booking jew ħlas biex iżżur din l-attrazzjoni.
📌 Google Maps:https://maps.app.goo.gl/cXLGSmFsDEzCviGu7
L-Għolja Gubalowka
L-ebda vjaġġ lejn Zakopane ma jista’ jkun komplut mingħajr ma’ żżur l-għolja ta’ Gubalowka. Gubalowka hi wkoll ħafna aktar minn sempliċiment għolja. Hi attrazzjoni ewlenija li kulħadd iżur speċjalment dawk li qegħdin jesperjenzaw Zakopane għal-ewwel darba. Tinstab fin-naħa tat-tramuntana, din l-għolja relattivament baxxa (għall-inqas meta mqabbla mal-qawwa tat-Tatras li jinsabu faċċata) toffri wħud mill-aktar veduti meraviljużi tal-wied. Li titla’ fuq din l-għolja hi esperjenza innifisha peress li tista’ tirkeb il-Funikular ta’ Gubalowka. Fil-quċċata, hemm diversi ‘viewing points’, bars, u anke xi għażliet biex tiekol waqt li tgawdi ix-xenarju.
Din l-attrazzjoni ma’ tistax tixtri jew tibbukja l-biljetti minn qabel. L-uffiċju tal-biljetti jinstab eżatt ħdejn il-funikular. Il-Prezz tal-funikular jiswa PLN24 (€5.50) li jkopri ż-żewġt vjaġġi biex titla’ u tinżel mill-għolja.
📌 Google Maps: https://maps.app.goo.gl/7vWe2Ego4pV9ZXg27
Morskie Oko
Morskie Oko hi waħda mill-aktar lagi famużi fil-Polonja. Hi tinstab ġewwa l-Park Nazzjonali Tatra taħt serje ta ‘muntanji ( inkluż Rysy, l-ogħla quċċata fil-pajjiż). Morsi Oko hi famuża għas-sbuħija naturali tagħha u issa hi waħda mill-aktar postijiet popolari li wieħed iżur ġewwa u madwar il-belt ta’ Zakopane. Il-Biljett biex tidħol ġewwa t-Tatra National Park jiswa’ 8PLN (€1.86).
Għandek żewġt modi kif tista’ tmur lejn Morskie Oko mill-entratura tat-Tatra National Park. L-ewwel metodu hi mixja li iddum madwar satejn u nofs. Jekk tkun qiegħed iżżur Morskie Oko fix-xitwa u tixtieq tagħmel il-mixja, nirrakomandaw li tixtri ‘l-isnow chains’ mill-uffiċju tal-biljetti biex tevita li tiżloq tul il-mixja. It-tieni metodu hu li tuża t-trasport fuq karru taż-żwiemel li jtaffilek 90% tal-mixja pero xorta waħda ikun jonqsok 15 il-minuta mixi minn fejn iwaqfek il-karru taż-żwiemel għal Morskie Oko. Il-Prezz biex tirkeb il-karru taż-żwiemel għal traġit wieħed jiswa’ PLN90 (€20).
📌 Google Maps: https://maps.app.goo.gl/gzF9e11VUXKoAPPUA
Kasprowy Wierch
Kasprowy Wierch hi waħda mill-muntanji ewlenin li tista’ tara fil-firxa ta’ quddiem tal-Muntanji Tatra fin-Nofsinhar ta ‘Zakopane. Hu l-aktar magħruf għall-funikular PKL li tasal sal-quċċata, ‘l-iskii runs’ u trakki tal-mixi.
Il-funikular ta’ Kasprowy hi bla dubju waħda mill-attrazzjonijiet ewlenin f’Zakopane. Hi ħaġa meraviljuża li ttella’ lill-viżitaturi f’għoli ta’ 1,985 metru ‘l fuq mil-livell tal-baħar għal linja eżatt fuq il-fruntiera Slovakka. Ir-rikba nnifisha hi esperjenza mill-isbaħ.
L-ispiża ta ‘biljett bir-ritorn lejn il-quċċata ta’ Kasprowy fuq il-funikular bħalissa hi ta ‘129 PLN (madwar €30).
Il-Biljetti jistgħu jinxtraw onlajn billi żżur il-website https://www.pkl.pl/kasprowy-wierch/kasprowy-wierch-en.html (sfortunatament il-websajt hi bil-lingwa pollakka pero tista’ tagħżel il-lingwa Ingliża billi tagħfas fuq EN) jew mill-uffiċju tal-biljetti ħdejn il-funikular stess.
📌 Google Maps: https://maps.app.goo.gl/scyV3eFVZwZstkwj9
Chocholow Thermal Pool Complex
Esperjenza l-famużi ‘Thermal Baths’ li jinsabu ġewwa l-belt ta’ Zakopane. L-akbar ‘thermal bath’ u l-aktar waħda popolari hi dik tal-kumpless Chocholow Thermal Pool.
Irrilassa fit-8 pixxini ta’ ilma termali b’temperatura pjaċevoli ta’ 36 grad Celsius. Gawdu għawma fil-pixxini ta’ ġewwa jew ta’ barra anke b’temperatura ta’ 36 grad Celsius. Jekk tkun qiegħed iżżur Zakopane fix-xitwa, żgur mgħandekx titlef l-opportunita li tgħum fil-pixxina ta’ barra waqt li t-temperatura tal-arja tkun -17 Grad Celcius.
Nipproponu l-attivita offruta minn Getyourguide minħabba l-fat li l-kumpless jinsab ftit il-bod miċ-ċentru ta’ Zakopane. F’din l-attivita ikollok inkluż il-biljett għat-Thermal Baths (validu għal 3 sijat) u t-trasport lmil-lukanda għal-kumpless Chocolow u lura. Importanti li ma’ tinsiex iġġib miegħek il-malja kif ukoll ix-xugaman.
AGĦŻEL L-AMMONT TA' BILJETTI, IL-ĠURNATA U L-LINGWA. AGĦFAS 'CHECK AVAILABILITY' BIEX TARA JEKK BAQAX BILJETTI.
Dawra fuq karru jew 'sleigh' miġbud minn żwiemel bi gwida lokali
Din l-esperjenza indimentikabbli se tgħaqqad is-seħer ta’ rikba tradizzjonali ta’ ‘sleigh’ mas-sbuħija tal-pajsaġġ tax-xitwa tal-Muntanji Tatra. Fix-xitwa tgawdi l-‘Sleigh Ride’ tas-silġ u fis-sajf tieħu rikba f’karru miġbud miż-żwiemel.
L-avventura tibda b’rides miġbudin miż-żwiemel fejn ikollok l-opportunità li tgawdi ix-xenarju tas-silġ u l-atmosfera ġenwina tax-xitwa jew tgawdi x-xemxl fil-miftuħ matul ir-rebbiegħa jew is-sajf. Barra minn hekk, il-parteċipanti jingħataw fjakkoli li jagħmlu l-atmosfera speċjali u indimentikabbli.
Mal-wasla tiegħek lura mid-dawra biż-żwiemel, issib ippreparata ħuġġieġa fejn ser ikollok iċ-ċans li dduq l-ispeċjalitajiet lokali fl-atmosfera komda ta’ nar, ferħ u ħbiberija.
Nipproponu l-attivita offruta minn Getyourguide minħabba r-raġuni li hemm inkluż it-trasport mal-prezz totali. Dan ifisser li ser ikollok t-trasport mill-lukanda għal attrazzjoni u lura.
AGĦŻEL L-AMMONT TA' BILJETTI, IL-ĠURNATA U L-LINGWA. AGĦFAS 'CHECK AVAILABILITY' BIEX TARA JEKK BAQAX BILJETTI.
Avventura bi Snowmobile
Esplora Zakopane u ara l-villaġġ Chocholow li fih djar tradizzjonali tal-injam mibnija fuq l-għoljiet. Ara il-kappelli tal-injam li huma storikament famużi. Skopri l-foresti miksija bis-silġ u esperjenza s-sewqan ta’ ‘Snowmobile’.
Bħala vjaġġa nirrakomandaw lil kumpanija Snowdoo. Minn esperjenza personali, f’każ li ma’ jkunx hemm silġ biżżejjed din il-kumpanija ma’ tikkanċellalekx l-attivita pero minflok tagħmel l-attivita bil-Quadbikes u żżur l-istess postijiet.
Importanti nirrimarkaw li ma’ joffrux servizz ta’ trasport mil-lukanda għal uffiċini tagħhom u lura. Bhekk importanti li taħsiblu sew biex tasal fil-ħin (imqar nofsija qabel ma’ tibda l-attivita).
L-Aktar mod faċli biex tmur għal uffiċini tagħhom hu billi tikri taxi jew inkella titla’ l-għolja Gubalowka bil-funikular u timxi’ 15 -il minuta (1.2 kilometri).
📌 Google Maps: https://maps.app.goo.gl/qK6BYDD6h8UKrmf36
Żuru l-websajt ta’ snowdoo biex tiskopru iżjed: https://www.snowdoo.pl/snowmobile-trips-2023-2024/
Nota Importanti: Għal din l-attivita ara li tieħu miegħek ġakketta tax-xita, xalla li ssaħħan u ngawnti minħabba l-fatt li l-kesħa tinħass iżjed waqt is-sewqan.
Husky Rides
Rikba fuq slitta tal-klieb tal-aġenzija Fun Dog. Esperjenza ta’ divertiment ta’ siegħa ma’ klieb husky. Int ikollok iċ-ċans li tirkeb fuq slitta tal-klieb li jmexxuk fuq korsa ta’ madwar 200 metru jew korsa itwal ta’ 2 kilometri. Is-sewwieq joqgħod fuq ir-runners filwaqt il- passiġġier joqogħdu bilqegħda komdi u jgawdu r-rikba. L-isbaħ ħaġa ta’ din l-attivita hi li ssuq it-tim tal-klieb tiegħek inti stess! Pero tinkwieta xejn, l-klieb tant huma intelliġenti u mdorrijin li jgħinu lil sewwieq mingħajr esperjenza.
Żuru l-website http://www.fundog.pl jew inkella ibatu email dirett fuq malgorzata.dudek@fundog.pl. Importanti li din tkun l-ewwel attrazzjoni li tibbukja minħabba li ħafna mid-drabi tkun totalment mimlija.
